Wed 11 Jan 22:48:55.095637 2023
పాఠశాల పూలతోటలో పరిమళించే పువ్వులం
పల్లెఒడిలో పరవశించే పసిడి మనసుల గువ్వలం
అందమైన పరిసరాలలో ఆకు పచ్చని మొక్కలం
చదువులనే ఆకాశమందున చక్కనైన చుక్కలం
పాలకడలికి తెల్లదనమును పంచి యిచ్చెడి నవ్వులం
ఆటపాటల అలసి మురిసే అలల తీరపు గవ్వలం
కల్లలెరుగని కపటమెరుగని ఎల్లలెరుగని పిల్లలం
భావి టభారత ప్రగతి బాటన పరుగులెత్తే బాలలం
చదువు సాగే దారి లోన చిన్ని వెలుగు దివ్వెలం
చదువులమ్మ పాదములకు చేర్చి కూర్చిన మువ్వలం
తల్లిదండ్రుల కలలనన్నీ తప్పకుండగ తీర్చెదం
తెలంగాణా రూపు రేఖల తళుకు బెళుకులు చేర్చెదం
తల్లి భారతి భాగ్య రేఖలు మల్లె మాలగ గూర్చెదం
అవనిలో మన దేశ కీర్తిని అద్భుతముగా నిలిపెదం
- వెన్నెల సత్యం
9440032210
మీ స్నేహితులకు రికమెండ్ చెయ్యండి
