1. ఎలక్ట్రానిక్ పాలన అంటే ఏమిటి? దాని సుగుణా లను వివరించండి?
ఎలక్ట్రానిక్ పాలనను కాగితరహిత పాలన అంటారు. సమాచార సాంకేతిక పరిజ్ఞానం వినియోగం ఆధారంగా ప్రభుత్వం విధులు నిర్వహిస్తుంది. దీనివల్ల సేవలలో, సమర్థల కార్యసాధకత పెరుగుతుంది. దీనిలో భాగంగా అంతర్జాలాన్ని ఇతర వెబ్ ఆధారిత సమాచార సాంకేతిక పరిజ్ఞానాన్ని విరివిగా ఉపయోగిస్తారు. పాలనలో వేగం, ఖచ్చితత్వం దీనికి గల అదనపు లక్షణాలు.
సుగుణాలు
1) పౌరునికి సమాచారం అందించి, సంప్రదించే అవకాశం
2) పాలన ప్రక్రియను సంస్కరించడం
3) సమాచార అందుబాటు
4) పౌరులకు గుణాత్మక సేవలు పెంపొందించడం
5) సరళతర నియమాలు
6) కార్యసాధకత
7) జవాబుదారీతనం
8) పారదర్శకత
9) ఎక్కువ మంది పౌరులకు గుణాత్మక సేవ
2. రాష్ట్ర మంత్రి మండలి అధికారాలు - విధులను రాయండి?
ఎ) రాష్ట్ర ప్రభుత్వ విధానాల రూపకల్పన
రాష్ట్ర ప్రభుత్వానికి సంబంధించిన విధానాలను రూపొం దించి, ఖరారు చేసి అమలులో ఉంచే బాధ్యత రాష్ట్ర మంత్రి మండలికి ఉంటుంది. కాబట్టి ప్రభుత్వ నిర్వహణ కోసం మంత్రిమండలి లోతుగా చర్చించి తగిన నిర్ణయాలు తీసుకుంటుంది.
బి) పరిపాలన నిర్వహణ
రాష్ట్ర మంత్రిమండలి రాష్ట్ర ప్రభుత్వ పరిపాలనను నిర్వహిస్తుంది. ప్రభుత్వ విధి విధానాల ప్రకారం శాసన సభ ఆమోదించిన తీర్మానాలు చట్టాలను అనుసరించి మంత్రి వర్గ సభ్యులు పరిపాలన నిర్వహిస్తారు.
సి) సమన్వయ విధి
రాష్ట్ర మంత్రి మండలి రాష్ట్ర ప్రభుత్వానికి సంబంధించిన వివిధ శాఖల మధ్య సమన్వయం సాధిస్తుంది. ఒకవేళ మంత్రుల మధ్య సమన్వయం లేకపోతే రాష్ట్ర ప్రభుత్వ పరిపాలన సాఫిగా నిర్వహించడం సాధ్యం కాదు.
డి ) నియామక అధికారాలు
రాష్ట్ర ప్రభుత్వంలోని ఉన్నతాధికారులనందరినీ మంత్రి మండలి గవర్నర్ పేరుతో నియమిస్తుంది. ఈ విష యంలో మంత్రి మండలి నియమకాలు జరిపే వారిలో అడ్వకేట్ జనరల్ విశ్వవిద్యాలయాలు మొదలైనవి.
ఇ) ఆర్థిక విధులు
రాష్ట్ర ప్రభుత్వ ఆర్థిక వ్యవహారాలపై మంత్రిమండలికి నియంత్రణ ఉంటుంది. రాష్ట్ర ప్రభుత్వ విత్త విధానాన్ని మంత్రి మండలి నిర్ణయిస్తుంది. రాష్ట్ర అభివృద్ధికి అవసరమైన విధానాలు ప్రణాళికలు రూపొందిస్తుంది. శాసన సభ ఆమోదించిన వార్షిక బడ్జెట్ కేటాయింపులు ప్రకారం రాష్ట్ర ప్రభుత్వ విధానాలను అమలు చేస్తుంది.
3. కేంద్ర మంత్రి మండలి నిర్మాణం, విధులను వివరించండి?
నిర్మాణం
కేంద్ర మంత్రి మండలిలో మూడు రకాల మంత్రులు ఉంటారు. వారు కేబినేట్ మంత్రులు, డిప్యూటీ మంత్రులు స్టేట్ మంత్రులు.
విధులు
కేంద్ర ప్రభుత్వం విధానాలను మంత్రి మండలి రూపొందిస్తుంది.
కేంద్ర ప్రభుత్వానికి సంబంధించిన అన్ని అంశాల్లో రాష్ట్రపతికి సలహాలను అందిస్తుంది.
దేశ, ఆర్థిక రంగంపై పూర్తి నియంత్రణను కలిగి ఉంటుంది. పన్నులు ఇతర ఖర్చులకు సంబంధించిన తీర్మానాలు నిజానికి కేబినేట్ ద్వారా రూపొందించి, పార్లమెంటు ద్వారా ఆమోదం పొందుతాయి.
చట్టాలను రూపొందించే ప్రక్రియలో కేబినేట్ ముఖ్యమైన పాత్ర పోషిస్తుంది.
పార్లమెంట్లో ప్రవేశ పెట్టిన బిల్లులు రాష్ట్రపతి సంతకం తరవాతే చట్టాలుగా మారతాయి. నిజానికి రాష్ట్రపతి కేబినెట్ చేయమన్న పని మాత్రం చేస్తారు.
4) సమిష్టి బాధ్యత అనగానేమి?
అధికరణ 75(3) ప్రకారం మంత్రి మండలి ప్రజల సభఅయిన లోక్సభకు సమిష్టి బాధ్యత వహిస్తుంది. ప్రతి మంత్రి తన మంద్రిత్వ శాఖకు సంబంధించిన నిర్ణయాలకు భాద్యుడు. అంతే గాకుండా అతడు తన తోటి మంత్రులు నిర్వహించే మంత్రిత్వశాఖకు సంబంధించిన నిర్ణయాలకు కూడా బాధ్యత వహించవలసి ఉంటుంది. ఎందుకంటే అందరు మంత్రులు కేబినేట్ విధి విధానాలను అనుసరించి క్యాబినెట్ మార్గ నిర్దేశనంలో నియంత్రణలో పని చేస్తారు. దీన్ని బట్టి ఒక మంత్రి తన తప్పుడునిర్ణయా లకు బాధ్యత వహిస్తాడు. ఒకవేళ ఏ మ్తంసరి అయిన వేకొక మంత్రి తప్పుడు నిర్ణయాలకు బాధ్యత వహిస్తాడు. ఒక వేళ ఏ మంత్రి అయిన వేరొక మంత్రి తప్పుడు నిర్ణయాలకు బాధ్యత వహించడానికి అంగీరించనట్లయితే అతడు తన మంత్రి పదవికి రాజీనామా చేయవలసి ఉంటుంది. లేదా అతడు ప్రధానమంత్రి సలహా మేరకు రాష్ట్రపతితో తొలగించబడతాడు. 1953లో డా.బి. ఆర్. అంబేద్కర్ హిందూ కోడ్ బిల్లుల విషయంలో ప్రభుత్వంతో విభేదించి తన మంత్రి మండలికి రాజీనామా చేశారు.
5. జిల్లా కలెక్టర్ పాత్రను వర్ణించండి?
కలెక్టర్ పదవిని భారతదేశంలో తూర్పు ఇండియా కంపెనీ 1772 సంవత్సరంలో ప్రవేశ పెట్టింది. స్థానిక ప్రభుత్వాల వ్యవస్థలో జిల్లా కలెక్టరు పాత్ర అమోఘ మైనది. ప్రకృతి వైపరీత్యాలు లేదా ఇతర సమస్యలు ప్రజలకు ఎదురైనప్పుడు కలెక్టర్ వారికి చక్కని చేయూత అందిస్తాడు. స్నేహితునిగా తత్వవేత్తగా, మార్గదర్శకుడిగా ప్రజలకు కనిపిస్తాడు.
గ్రామీణ, పట్టణ ప్రభుత్వాలకు సమన్వయ పరచి ప్రభుత్వాల నిర్వహణలో తగిన సహాయ సహకారాలను అంది స్తాడు. కేంద్ర -రాష్ట్ర ప్రభుత్వాలకు ప్రజల సమస్యలను తెలియ పరుస్తాడు. కేంద్ర - రాష్ట్ర స్థానిక ప్రభుత్వాల మధ్య ఇతడు వారధి
కలెక్టర్ వివిధ అభివృద్ధి పథకాలైన మధ్యహ్న భోజనం, జాతీయ గ్రామీణ ఉపాధి హామీ పథకం, స్వచ్ఛభారత్ తదితర కార్యక్రమాలను అమలు చేయడంలో కీలక పాత్ర పోషిస్తాడు. ప్రజల సమస్యలు పరిష్కరించడం లో కలెక్టర్ ముఖ్యమైన అధికారి. జిల్లాలోని ప్రజలు కలెక్టర్పై సంపూర్ణ విశ్వాసాన్ని కలిగి ఉంటారు. అందువల్లే కలెక్టర్ను జిల్లాలో మకుటం లేని మహారాజు అంటారు.
Authorization