Authorization
Mon Jan 19, 2015 06:51 pm
హైదరాబాద్: ఎంతటి ధైర్యవంతులైనా పాములంటే భయపడతారు.. దానిని పట్టుకోవడం అంటే మాటలతో పని కాదు.. కానీ, ఓ యువతి ఓ భారీ సర్పంతో ఆటలాడింది.. ఒట్టి చేతుల్తోనే దానిని పట్టేసింది.. ఒళ్లు గగుర్పొడిచే ఆ వీడియో సోషల్ మీడియాలో వైరల్ అవుతోంది. ఓ బిల్డింగ్లోకి దూరిన ఓ భారీ సర్పాన్ని ఆమె అత్యంత లాఘవంగా ఎలాంటి ప్రమాదమూ జరగకుండా పట్టుకుంది. పామును పట్టుకునేందుకు ఆ యువతి ఎలాంటి ఆయుధాలను వాడలేదు. పాము కాటేయడానికి పలుసార్లు ప్రయత్నించినా ఆమె సునాయాసంగా తప్పించుకుంది. అనంతరం దానిని పట్టుకుని బయటకు తీసుకొచ్చి రోడ్డు మీద వదలిపెట్టింది. మళ్లీ ఆ పాము బిల్డింగ్ లోపలికి వెళ్లడానికి ప్రయత్నించగా.. మళ్లీ పట్టుకుని దూరంగా వదిలేసింది. ఆ యువతి ధైర్యానికి అందరూ హ్యాట్సాఫ్ చెబుతున్నారు.