Authorization
Mon Jan 19, 2015 06:51 pm
హైదరాబాద్ : సికింద్రాబాద్ బోయిన్పల్లిలో ఓ ప్రేమోన్మాది యువతిపై కత్తితో దాడి చేశాడు. తన ప్రేమను నిరాకరించిందనే ఈ ఉన్మాదానికి ఒడిగట్టాడు. అనంతరం తానూ కత్తితో పొడుచుకున్నాడు. యాప్రాల్ బాలాజీ నగర్కు చెందిన గిరీష్.. బాపూజీ నగర్కు చెందిన చామంతిని గత కొంత కాలంగా ప్రేమిస్తున్నానని వెంట పడుతున్నాడు. చామంతి స్థానికంగా ఉన్న ఓ సూపర్ మార్కెట్లో పనిచేస్తుంది. ఈ క్రమంలో తనను ప్రేమించడం లేదనే అక్కసుతో ఇవాళ యువతి ఇంటికి వెళ్లిన గిరీష్ ఆమెపై కత్తితో దాడి చేశాడు. ఈ దాడిలో యువతి నడుం, చేతులపై గాయాలయ్యాయి. విషయాన్ని గమనించి ఘటనా స్థలికి స్థానికులు పెద్ద సంఖ్యలో చేరుకోవడంతో భయానికి గురైన గిరీష్ తనను తాను కత్తితో పొడుచుకున్నాడు. రక్తపు మడుగులో ఉన్న ఇద్దరిని స్థానికులు ఆస్పత్రికి తరలించారు. సమచారం అందుకున్న పోలీసులు, క్లూస్ టీం ఘటనా స్థలికి చేరుకొని వివరాలు సేకరించారు.