ముగిసిన ఇంజనీరింగ్‌ ఎంసెట్‌..నేడు కీ విడుదల
హైదరాబాద్: రాష్ట్రంలో ఎంసెట్‌ ఇంజనీరింగ్‌ ప్రవేశ పరీక్షలు ముగిశాయి. ఈ నెల 9, 10 తేదీల్లో అగ్రికల్చర్‌ ఎంసెట్‌ నిర్వహించనున్నారు. ఈ నెల 4వ తేదీన ప్రారంభమైన ఎంసెట్‌ ఇంజనీరింగ్‌ ప్రవేశ పరీక్షలు 6వ తేదీతో ముగిశాయి. ఈ మూడు రోజుల్లో మొత్తం 89.71 శాతం మంది విద్యార్థులు పరీక్షలు రాశారు. ఈ పరీక్షకు 1,64,964 మంది దరఖాస్తు చేసుకోగా, 1,47,986 మంది పరీక్ష రాశారు. కాగా ఈ ఏడాది పేపర్‌ కొంత ఈజీగా వచ్చినట్టు భావిస్తున్నారు.
నేడు కీ విడుదల
ఎంసెట్‌ ఇంజనీరింగ్‌ ప్రిలిమరీ కీని శనివారం విడుదల చేసే అవకాశం ఉంది. ఈ కీని పరిశీలించిన తర్వాత వచ్చే అభ్యంతరాలను దృష్టిలో ఉంచుకుని, తుది కీని నాలుగైదు రోజుల్లో విడుదల చేస్తారు.