హైదరాబాద్ : బిగుతుగా బట్టలు ధరించిందని ఓ యువతిని కాల్చి చంపేశారు. ఈ అత్యంత దారుణ ఘటన అఫ్గానిస్తాన్‌ లో చోటుచేసుకుంది.  దాంతో అఫ్గాన్ లో తాలిబాన్‌ ఆధిపత్యం రోజురోజుకూ ఆందోళనకరంగా మారుతోంది.  స్థానిక మీడియా తెలిపినవివరాల ప్రకారం.. అఫ్గాన్‌ ఉత్తర బాల్ఖ్ ప్రావిన్స్‌లో తాలిబన్‌ నియంత్రణలో ఉన్న సమర్‌ ఖండ్‌ అనే గ్రామంలో నజానిన్(21) అనే యువతి ఓ రోజు బిగుతు దుస్తులు ధరించి, మగ తోడులేకుండా ఇంటి నుంచి మజార్-ఇ-షరీఫ్ వెళ్లడానికి వాహనం ఎక్కుతోంది. దాంతో తాలిబన్లు ఆమెపై దాడి చేసి హత్య చేశారు. అయితే ఆమెపై దాడి జరిగినప్పుడు ఆమె బుర్ఖా ధరించి ఉన్నట్టు పోలీసులు తెలిపారు.  తాలిబన్ నియంత్రణలో నివసిస్తున్న అఫ్గాన్‌ మహిళలు బిగుతు దుస్తులు ధరించి బయట పని చేయవద్దని తాలిబన్లు హుకుం జారీ చేశారు. .