హైదరాబాద్ : ఆర్టీసీ బస్సు బైక్ ఢీ కొట్టుకోవడంతో నలుగురు తీవ్రంగా గాయపడ్డారు. ఈ ఘటన జయశంకర్ భూపాలపల్లి జిల్లా కాటారం మండలంలోని బూడిదపల్లి సమీపంలో చోటు చేసుకుంది. స్థానికులు తెలిపిన వివరాల ప్రకారం.. మంచిర్యాల జిల్లా చెన్నూరు నుంచి అన్నారం బ్యారేజీ మీదుగా కాటారంకు వస్తున్న ఆర్టీసీ బస్సు బూడిదపల్లి సమీపంలో గంగారం వైపునకు వెళ్తున్న బైక్ ఎదురెదురుగా ఢీ కొన్నాయి. బైక్ పై ప్రయాణిస్తున్న ధన్వాడ, గంగారం గ్రామాలకు చెందిన యువకులు కోరుకొప్పుల అంజి, ఇశ్రాయేల్, చికట్ల అంజి, ములుకల వరుణ్‌ తీవ్ర గాయాల పాలయ్యారు. అందులో ఇద్దరి పరిస్థితి విషమంగా ఉందని సమాచారం.
మీ స్నేహితులకు రికమెండ్ చెయ్యండి
