హైదరాబాద్ : లైంగిక దాడి బాధితురాలిపై యాసిడ్ దాడి జరిగింది. ఈ ఘటన ముంబైలోని అంధేరి-ఘ‌ట్‌కోప‌ర్ లింక్‌రోడ్‌లోని బిస్ల‌రి జంక్ష‌న్ వద్ద చోటుచేసుకుంది. స్థానికులు తెలిపిన వివరాల ప్రకారం.. ఓ మహిళపై లైంగికదాడి జరగగా ఆమె నిందితుడిపై కేసు పెట్టింది. అయితే ఆ కేసును ఉప‌సంహ‌రించుకో వాల‌ని గుర్తుతెలియని వ్యక్తి బెదిరిస్తూ యాసిడ్ నింపిన బెలూన్‌ను మహిళపై వేశాడు. యాసిడ్ మహిళ కాళ్ల‌పై ప‌డటంతో ఆమెకు తీవ్ర గాయాల‌య్యాయి. పెట్రోలింగ్ పోలీసులు, అటుగా వెళ్లే వ్య‌క్తులు ఆమెను గమనించి ఆస్పత్రికి తీసుకెళ్లారు. దీనిపై బాధిత మహిళ అంధేరి పోలీస్ స్టేష‌న్‌లో ఫిర్యాదు చేశారు.
మీ స్నేహితులకు రికమెండ్ చెయ్యండి
