హైదరాబాద్ : తన‌ను గెలిపిస్తే ప్రజలకు ప‌ని మ‌నిషిలా సేవ చేసుకుంటాన‌ని హుజూరాబాద్ టీఆర్ఎస్ అభ్య‌ర్థి గెల్లు శ్రీనివాస్ యాద‌వ్ అన్నారు. ఇల్లంత‌కుంట‌లో టీఆర్ఎస్ ప్ర‌జా ఆశీర్వాద స‌భ బుధ‌వారం నిర్వహించారు. ఈ స‌ందర్భంగా ఆయన మాట్లాడుతూ ఉప ఎన్నిక‌లో త‌న‌కు పోటీ చేసే అవ‌కాశం క‌ల్పించిన సీఎం కేసీఆర్‌కు పాదాభివంద‌నాలు చేస్తున్నట్టు తెలిపారు. పేద కుటుంబం నుంచి వ‌చ్చిన త‌న‌కు అవ‌కాశం ఇచ్చారన్నారు. విద్యార్థి నేత‌గా ఉద్య‌మాల్లో పాల్గొన్నానని చెప్పారు. పార్టీ కోసం తాను చేసిన సేవలు గుర్తించి సీఎం కేసీఆర్ త‌న‌కు అవ‌కాశం ఇచ్చారన్నారు.
మీ స్నేహితులకు రికమెండ్ చెయ్యండి
