హైదరాబాద్ : యాదాద్రి భువనగిరి జిల్లాలోని చౌటుప్పల్‌ మండలంలో భారీ అగ్ని ప్రమాదం చోటుచేసు కుంది. గురువారం ధర్మోజిగూడ శివారులోని ప్రసిద్ధ ప్లాస్టిక్ బాటిల్ కంపెనీలో వెల్డింగ్ పనులు చేస్తుండగా నిప్పురవ్వలు ఎగిసిపడి మంటలు వ్యాపించాయి. పెద్ద ఎత్తున మంటలు ఎగిసిపడ్డాయి. అగ్నిమాపక శాఖ అధికారులకు పరిశ్రమ యజమాన్యం వెంటనే సమాచారం అందించగా వారు హుటాహుటిన ఘటనా స్థలికి చేరుకుని మంటలను అదుపు చేశారు. ప్రాణ నష్టం సంభవించకపోవడంతో అందరూ ఊపిరి పీల్చుకున్నారు. అయితే ప్రమాదంలో సుమారు రూ.50 లక్షల ఆస్తి నష్టం వాటిల్లినట్టు యాజమాన్యం తెలిపింది.
మీ స్నేహితులకు రికమెండ్ చెయ్యండి
