హైదరాబాద్: క్రియేటివ్‌ డైరెక్టర్‌ సుకుమార్‌, ఐకాన్‌ స్టార్ అల్లు అర్జున్ కాంబినేషన్‌లో రూపొందుతున్న పాన్‌ ఇండియా చిత్రం ‘పుష్ప’. అటవీ బ్యాక్‌డ్రాప్‌లో ఎర్ర చందనం స్మ‌గ్లింగ్ నేప‌థ్యంలో ఈ మూవీని దర్శకుడు తెరకెక్కిస్తున్నాడు. ఇప్పటికే పుష్ప నుంచి విడుదలై టీజర్‌, ఫస్ట్‌ లుక్‌ పోస్టర్లు ప్రేక్షకులను వీపరీతంగా ఆకట్టున్నాయి. ఇదిలా ఉండగా పుష్ప టీం ఇటీవల సంగీత దర్శకుడుదేవిశ్రీ ప్రసాద్‌ పుట్టిన రోజు సందర్భంగా ఈ మూవీ ఫస్ట్‌ సాంగ్ రిలీజ్‌ డేట్‌ను ప్రకటించిన సంగతి తెలిసిందే. అగష్టు 13 వ తేదీన ఉదయం 11: 07 గంటలకు విడుదల చేస్తున్నట్లు ప్రకటించారు. చెప్పినట్టుగా ఈ రోజు మేకర్స్‌ ‘దాక్కో దాక్కో మేక.. పులొచ్చి కొడుతుంది పీక’ అంటూ సాగే లిరీకల్‌ ఫుల్‌ వీడియో సాంగ్‌ను విడుదల చేసింది. ఇందులో బన్ని మాస్‌లుక్‌తో ఇరగదీశాడు. ఎన్నడు లేదని విధంగా సరికొత్తగా ఈ స్టైలిష్‌ స్టార్ రెచ్చిపోయాడు. ఇందులో బన్ని యాటిటూడ్‌కు ఫ్యాన్స్‌ ఫిదా అవుతున్నారు.
