హైదరాబాద్ : ప‌వ‌న్ క‌ల్యాణ్ , రానా హీరోలుగా అయ్య‌ప్ప‌నుమ్ కొషియుమ్ రీమేక్ గా ఓ చిత్రం తెర‌కెక్కుతున్న విష‌యం తెలిసిందే. ఈ మూవీలో పోలీసాఫీస‌ర్ గా భీమ్లా నాయ‌క్  పాత్రలో నటిస్తున్న పవన్ లుక్ ఇప్ప‌టికే విడుద‌ల‌ చేశారు. అయితే ఆగస్టు 15న  మూవీ మేక‌ర్స్ ప‌వ‌న్ క‌ల్యాణ్ ఫ్యాన్స్ కు  గిఫ్ట్ ఇవ్వ‌బోతున్నారు. ఆగ‌స్టు 15న స్వాతంత్ర దినోత్స‌వ శుభాకాంక్ష‌లతో ఉద‌యం 9.45 గంట‌ల‌కు  సినిమా టైటిల్‌తోపాటు ఫ‌స్ట్ గ్లింప్స్ ను కూడా రిలీజ్ చేసేందుకు మేకర్స్ రెడీ అవుతున్నారు. ప‌వ‌న్ క‌ల్యాణ్ బ్లాక్ ఫుల్ ష‌ర్ట్‌, లుంగీలో న‌డుచుకుంటూ వెళ్తున్న‌సైడ్ లుక్ తో ఉన్న పోస్టర్ వదిలిన మేకర్స్ ఈ అప్ డేట్ పై క్లారిటీ ఇచ్చారు.  సాగ‌ర్ చంద్ర డైరెక్ష‌న్ లో వ‌స్తున్న ఈ చిత్రాన్ని సితార ఎంట‌ర్ టైన్ మెంట్స్ బ్యాన‌ర్ పై సూర్య దేవ‌ర నాగ‌వంశీ తెర‌కెక్కిస్తున్నారు. వ‌చ్చే ఏడాది సంక్రాంతికి థియేట‌ర్ల‌లో రానుంది ఈ చిత్రం. ఈ చిత్రంలో ప‌వ‌న్ కు జోడీగా సాయిప‌ల్ల‌వి, రానాకు జోడీగా ఐశ్వ‌ర్య‌రాజేశ్ క‌నిపించ‌నున్నారు.