కిన్నౌర్‌: హిమాచల్‌ప్రదేశ్‌ కిన్నౌర్‌ జిల్లాలో కొండచరియలు విరిగిపడిన ఘటనలో మృతుల సంఖ్య 19కి చేరింది. బుధవారం మధ్యాహ్నం నిగుల్‌సేరి ప్రాంతంలో ఎన్‌హెచ్‌-5పై కొండచరియలు విరిగి పడిన విషయం తెలిసిందే. పెద్ద పెద్ద బండరాళ్లు కిందకు దూసుకొచ్చి.. రోడ్డుపై వెళ్తున్న ఆర్టీసీ బస్సుతోపాటు ఇతర వాహనాలపై పడ్డాయి. దీంతో బస్సు లోయలో పడిపోయింది. ఈ నేపథ్యంలో గత నాలుగు రోజులుగా సైన్యం, ఎన్డీఆర్‌ఎఫ్‌ సిబ్బంది సహాయక చర్యలు కొనసాగిస్తున్నారు. శిథిలాల నుంచి శనివారం ఉదయం మరో రెండు మృతదేహాలను వెలికితీశారు. దీంతో మృతుల సంఖ్య 19కు పెరిగింది.
మీ స్నేహితులకు రికమెండ్ చెయ్యండి
