ఆసిఫాబాద్‌: కుమ్రం భీం ఆసిఫాబాద్‌ జిల్లాలో పెద్దపులి కలకలం సృష్టిస్తున్నది. గత కొన్నిరోజులుగా జిల్లాలోని బెజ్జూరు, పెంచికల్‌పేట శివారులో పెద్దపులి సంచరిస్తున్నది. శనివారం తెల్లవారుజామున లోడ్‌పల్లి బీట్‌ పరిధిలో ఆవుల మందపై పులి దాడి చేసింది. దీంతో మందలోని ఓ ఆవు మృతి చెందింది. స్థానికులు అటవీ అధికారులు, పోలీసులకు సమాచారం అందించారు. ప్రజలు అప్రమత్తంగా ఉండాలని అధికారులు సూచించారు. పెద్దపులి సంచరిస్తుండటంతో గ్రామస్తులు భయాందోళనలు వ్యక్తం చేస్తున్నారు. వీలైనంత తొందరగా పెద్దపులిని పట్టుకోవాలని అధికారులకు విజ్ఞప్తి చేశారు.
మీ స్నేహితులకు రికమెండ్ చెయ్యండి
