హైదరాబాద్ : బిగ్ బాస్ షో అని భాషల్లో మంచి హిట్ అయిన సంగతి తెలిసిందే. తెలుగులో కూడా ఇది మంచి టాక్‌తో దూసుకుపోతుంది. ఇప్ప‌టికే నాలుగు సీజ‌న్స్ పూర్తి ఈ షో పూర్తి చేసుకోగా త్వరలో ఐదో సీజ‌న్ ప్రారంభం కానుంది. అయితే కొద్ది రోజులుగా బిగ్ బిస్ షోకి సంబంధించి, అందులో పాల్గొనే వారి గురించి అనేక ప్రచారాలు జరగుతున్నాయి. అయితే తాజాగా మరో ప్రచారం ఊపందుకుంది. యాంకర్ రవి త్వరలో బిగ్ బాస్ లో కనిపించనున్నాడని టాక్. ఈ ప్రచారానికి కారణం రవి కో యాంకర్ లాస్యనే.
అవును ఈ మధ్య 'కనబడుట లేదు` అనే సినిమా ప్రీ రిలీజ్ ఈవెంట్ రవి, లాస్య హోస్ట్ చేసారు. అందులో లాస్య అనుకోకుండా నోరు జారింది. కొన్ని రోజుల్లో రవి కూడా కనిపించకుండా పోతాడట కదా.. ఏదో హౌజ్‌లోకి వెళ్తున్నావట కదా అంది. దాంతో రవి షాక్ అయ్యాడు. ఆ వెంటనే లాస్య 'నీ హౌజ్ కు వెళ్తావు` అంటూ కవర్ చేసింది. రవి కూడా 'నేను ఏ హౌజ్‌కు వెళ్తా.. నా ఇంటికే వెళ్తా` అంటూ సమాధానమిచ్చాడు. అయితే లాస్య మాటలను బట్టి చూస్తుంటే బిగ్ బాస్ 5 తెలుగుకు రవి వెళ్తున్నాడని తెలుస్తోంది. కానీ ఇది వీరు కావాలని పబ్లిసిటీ కోసం చేసారా లేక నిజంగానే లాస్య నోరు జారిందా అనేది కొద్ది రోజుల్లో తెలియనుంది.
