హైదరాబాద్ : దేశరాజధాని ఢిల్లీలోని ఓ హోటల్ లో భారీ అగ్ని ప్రమాదం చోటు చేసుకుంది. దాంతో ఇద్దరు సజీవ దహనమయ్యారు. స్థానికులు తెలిపిన వివరాల ప్రకారం.. ఆదివారం ఉదయం 7 గంటల 25కు ద్వారక ప్రాంతంలో గల కృష్ణా హోటల్‌లో భారీ అగ్ని ప్రమాదం చోటుచేసుకుంది. సమాచారం అందుకున్న అగ్నిమాపకదళం వెంటనే ఘటనా స్థలానికి చేరుకుని, మంటలను అదుపులోకి తీసుకువచ్చే ప్రయత్నం చేసింది. అయితే అప్పటికే ఇద్దరు సజీవ దహనమవగా, వారి మృతదేహాలు అగ్నిమాపక సిబ్బంది వెలికి తీసుకువచ్చారు. ప్రమాదానికి సంబంధించిన కారణాలు, ఆస్తి నష్టం వివరాలు ఇంకా తెలియరాలేదు.
మీ స్నేహితులకు రికమెండ్ చెయ్యండి
