హైదరాబాద్ : ఓ పెండ్లి బస్సు లారీని ఢీకొట్టిన ఘటనలో 30 మందికిపైగా తీవ్ర గాయాలయ్యాయి. ఈ ఘటన కరీంనగర్ జిల్లాలోని తిమ్మాపూర్‌ మండలంలోఇందిరానగర్‌ వద్ద చోటుచేసుకుంది. స్థానికులు తెలిపిన వివరాల ప్రకారం.. ఓ పెండ్లి బస్సు 50 మందితో కరీంనగర్ జిల్లాలోని వెదురుగట్ట నుంచి హైదరాబాద్ వెళ్తున్నది. ఈ క్రమంలో ఇందిరానగర్‌ వద్ద లారీని ఢీకొట్టింది. దాంతో 30 మందికిపైగా తీవ్రంగా గాయపడ్డారు. సమాచారం అందుకున్న పోలీసులు ఘటనా స్థలానికి చేరుకుని గాయపడినవారిని కరీంనగర్ ఆస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు
మీ స్నేహితులకు రికమెండ్ చెయ్యండి
