హైదరాబాద్ : ఏపీలోని ప్రకాశం జిల్లాలో సోమవారం ఉదయం ఘోర రోడ్డు ప్రమాదం చోటుచేసుకుంది.. లారీ, కారు ఢీకొట్టుకోవడంతో ఇద్దరు అక్కడికక్కడే మృతిచెందారు. మరో నలుగురికి తీవ్ర గాయాలయ్యాయి.
స్థానికులు తెలిపిన వివరాల ప్రకారం.. మార్కాపురం మండలం మిట్టమీదిపల్లి వద్ద లారీ, కారు ఢీకొట్టుకున్నాయి. దాంతో కారు ముందు భాగం పూర్తిగా దెబ్బతినడంతో కారులోనే ఇద్దరు మృతి చెందారు. మరో నలుగురికి గాయాలు కాగా వారిని 108లో ఆస్పత్రికి తరలించారు. పోలీసులు ఘటనా స్థలానికి చేరుకొని కేసు నమోదు చేసుకుని దర్యాప్తు చేస్తున్నారు. మృతులు మార్కాపురంవాసులుగా తెలిసింది. ఇంకా పూర్తి వివరాలు తెలియాల్సి ఉంది.
మీ స్నేహితులకు రికమెండ్ చెయ్యండి
