హైదరాబాద్: సింగింగ్‌ రియాలిటీ షో ఇండియన్‌ ఐడల్‌ సీజన్‌-12 విజేతగా  ఉత్తరాఖండ్‌కు చెందిన పవన్‌దీప్‌ రాజన్‌ నిలిచారు. దేశవ్యాప్తంగా సంగీత ప్రియులను అలరించే ఇండియన్‌ ఐడల్‌ సీజన్‌ 12 గతేడాది నవంబర్‌లో ప్రారంభంమైంది. ఆదివారం మధ్యాహ్నం 12 గంటల నుంచి రాత్రి 12 గంటల వరకు గ్రాండ్‌ ఫినాలే జరిగింది. ఆరుగురు ఫైనలిస్టుల మధ్య పోటీ హోరాహోరీగా సాగగా చివరికి పవన్‌దీప్‌ రాజన్‌ విజేతగా నిలిచాడు. తొలి రన్నరప్‌గా అరుణిత కంజిలాల్‌ నిలవగా.. సేలీ కంబ్లే, దానిష్ మహ్మద్‌‌, నిహల్ వరుసగా తర్వాతి స్థానాల్లో ఉన్నారు. ఇక తెలుగమ్మాయి షణ్ముఖ ప్రియ ఆరో స్థానంతో సరిపెట్టుకున్నది. విజేత పవన్‌దీప్‌కు ఇండియన్‌ ఐడల్‌ ట్రోఫీతో పాటు కారు, రూ.25 లక్షల నగదు అందజేశారు.