హైదరాబాద్ : పశ్చిమ బెంగాల్‌లో బాంబు కలకలం రేపింది. న్యూ జల్పాయిగుడి రైల్వే స్టేషన్ ఎంట్రీ పాయింట్ వద్ద బాంబును కనుగొన్న రైల్వే పోలీసులు.. హుటాహుటిన బాంబు డిస్పోజల్ స్క్వాడ్‌ను పిలిచారు. వారు వచ్చి బాంబును నిర్వీర్యం చేశారు. దీనిపై పోలీసులు మాట్లాడుతూ భయాందోళనలు సృష్టించాలనే లక్ష్యంతో రైల్వేస్టేషను వద్ద ఆగంతకులు బాంబు పెట్టారన్నారు. భద్రతా ఏర్పాట్లు పెంచి, రైల్వేస్టేషనులో ముమ్మర తనిఖీలు చేస్తున్నామని రైల్వే పోలీసులు తెలిపారు. ఈ ఘటనపై దర్యాప్తు చేస్తున్నామని పశ్చిమ బెంగాల్ రైల్వే ప్రొటెక్షన్ ఫోర్స్ అధికారులు తెలిపారు.
మీ స్నేహితులకు రికమెండ్ చెయ్యండి
