హైదరాబాద్ : కింగ్స్టన్ వేదికగా పాకిస్థాన్తో వెస్టిండీస్ మధ్య జరిగిన మొదటి టెస్టు ఉత్కంఠను రేపింది. చివరకు వెస్టిండీస్ ఒక్క వికెట్ తేడాతో విజయాన్ని అందుకుంది. దాంతో రెండు టెస్టుల సిరీస్లో 1-0తో ముందంజ వేసింది. రెండు ఇన్నింగ్స్ల్లో కలిపి 8 వికెట్లతో సత్తా చాటిన జైడేన్ సీల్స్కు మ్యాన్ ఆఫ్ ది మ్యాచ్ అవార్డు రాగా సిరీస్లో తదుపరి టెస్టు ఆగస్టు 20న ప్రారంభం కానుంది.
        168 పరుగుల స్వల్ప లక్ష్యంతో బరిలోకి దిగిన వెస్టిండీస్ ను జెర్మైన్ బ్లాక్వుడ్ (55) , కీమర్ రోచ్ (30)లు ఆదుకుని జట్టు విజయంలో పాటుపడ్డారు.  పాక్ బౌలింగ్ లో షాహీన్ ఆఫ్రిది 4, హసన్ అలీ 3 వికెట్లు తీసుకున్నారు. అంతకుముందు, తొలి ఇన్నింగ్స్లో 217 పరుగులకు పాక్ ఆలౌట్ కాగా విండీస్ జట్టు మొదటి ఇన్నింగ్స్లో 253 పరుగులు చేసింది.  అనంతరం రెండో ఇన్నింగ్స్ ప్రారంభించిన పాకిస్థాన్.. 203 పరుగులు చేసింది.