హైదరాబాద్ : అఫ్థనిస్తాన్ లోని ఒక్కొక్క ప్రాంతాన్ని ఆక్రమించుకుంటూ వచ్చిన తాలిబన్లు చివరికి దేశ రాజధాని కాబూల్ ను కూడా వారు ఆదివారం ఆక్రమించిన సంగతి తెలిసిందే. అయితే కాబుల్ విమానాశ్రమం మాత్రమే ప్రస్తుతం అమెరికా సైన్యం ఆధీనంలో ఉంది. దాంతో అక్కడి నుంచి విదేశాలకు పారిపోయేందుకు అఫ్ఘానీయులు ప్రయత్నిస్తున్నారు. ఈ క్రమంలో ప్రజలందరూ విమానాశ్రయానికి చేరుకొని గుంపుగా అక్కడ ఉన్న ఒక విమానం ఎక్కేందుకు  ప్రయత్నించడం ఒక్కసారిగా షాక్ కు గురిచేసింది. విమానంలోకి వెళ్లేందుకు వేసిన ఒక మెట్ల నిచ్చెనపై వేలాడారు. కాస్త సందు కనపడితే చాలు చొచ్చుకెళ్లేందుకు చూస్తున్నారు. ఈ దృశ్యాలు అఫ్ఘాన్‌లో ప్రస్తుతం ఉన్న పరిస్థితులకు అద్దంపడుతున్నాయని  పలువురు అంటున్నారు.  అయితే ప్రజలు గుంపుగా రావడంతో వారిని అదుపుచేయడం కోసం అక్కడున్న భద్రతా సిబ్బంది గాల్లోకి కాల్పులు జరిపినట్టు సమాచారం.
               ఏదేమైనా అక్కడి ప్రజలు ప్రాణ భయంతో కాబుల్ లోని హమీద్‌ కర్జాయ్‌ అంతర్జాతీయ విమానాశ్రయానికి పరుగులు తీస్తున్నారు.ప్రస్తుతం అందుకు సంబంధించిన వీడియో వైరల్ గా మారింది.