హైదరాబాద్ : అఫ్ఘ‌నిస్థాన్ రాజ‌ధాని కాబూల్ ఎయిర్‌పోర్ట్‌లో ఉద్రిక్త వాతావరణం నెలకొన్నట్టు తెలుస్తోంది. దేశాన్ని విడిచి వెళ్లేందుకు వందలాది మంది అఫ్ఘనీయులు ఏయిర్ పోర్టుకు దూసుకురావడంతో భద్రతా బలగాలు కాల్పులు జరిపినట్టు వార్తలు వస్తున్నాయి. దాంతో ఐదుగురు మృతి చెందినట్టు తెలుస్తోంది. అయితే వారు కాల్పులకు మృతి చెందారా.. లేక తొక్కిసలాటలో మృతి చెందారా అనేది తెలియాల్సి ఉంది. ప్రస్తుతం కాబూల్ ఎయిర్‌స్పేస్‌ను మూసివేయ‌డంతో అన్ని విమాన రాక‌పోక‌లు నిలిచిపోయాయి.
మీ స్నేహితులకు రికమెండ్ చెయ్యండి
