హైదరాబాద్ : ఇంగ్లండ్‌తో జ‌రుగుతున్న రెండ‌వ టెస్టు రెండో ఇన్నింగ్స్‌లో బుమ్రా, ష‌మీలు ఇంగ్లండ్ బౌల‌ర్ల‌ను ధీటుగా ఎదుర్కొంటున్నారు. ఆ ఇద్ద‌రూ తిమ్మిదో వికెట్‌కు అజేయంగా 50 ప‌రుగులు జోడించారు. ఇవాళ ఉద‌యం అయిదో రోజు బ్యాటింగ్ ప్రారంభించిన ఇండియాకు ఆరంభంలోనే జ‌ల‌క్ త‌గిలింది. పంత్ ఔట్ కావ‌డంతో.. మ్యాచ్ ఇంగ్లండ్ వైపు మ‌ళ్లిన‌ట్లు అనిపించింది. కానీ బుమ్రా, ష‌మీలు.. ఇంగ్లండ్ ఆశ‌ల‌పై నీళ్లు చ‌ల్లేరీతిలో పోరాడుతున్నారు. ఇంగ్లండ్ పేస్ బౌలర్ల‌ను ధాటికి ఎదుర్కొంటున్నారు. ఇంగ్లండ్ ఎన్ని ఎత్తులు వేసినా.. ఈ ఇద్ద‌రూ ర‌క్ష‌ణాత్మ‌క ఇన్నింగ్స్ ఆడుతున్నారు. దూకుడుగా ఆడుతూ షమీ అర్ద సెంచరీ పూర్తి చేసుకున్నాడు. బుమ్రా హెల్మెట్‌కు ప‌లుమార్లు బంతి త‌గిలినా.. ప‌ట్ట‌వ‌ద‌ల‌ని దీక్ష‌తో బ్యాటింగ్ చేస్తున్నాడు. ప్రస్తుతం జట్టు స్కోరు 285/8గా ఉంది. బుమ్రా 29 , ష‌మీ 52 ప‌రుగుల‌తో క్రీజ్‌లో ఉన్నారు. 258 పరుగుల ఆద్యింలో భారత్ ఉంది. ఇండియాను ఆలౌట్ చేస్తే, ఇంగ్లండ్ ఆ టార్గెట్‌ను ఇవాళే అందుకోవాల్సి ఉంటుంది.