హైదరాబాద్ : రెండో ఇన్నింగ్స్‌లో ఇంగ్లండ్ మూడో వికెట్ కోల్పోయింది. 44 పరుగుల వద్ద హసీబ్‌ హమీద్‌ను పెవిలియన్ పంపిన ఇషాంత్.. రూట్-హమీద్ 43 పరుగుల భాగస్వామ్యానికి తెరదించాడు. అంతకుముందు 272 పరుగుల విజయ లక్ష్యంతో బ్యాటింగ్ ప్రారంభించిన ఇంగ్లండ్ ఒక్క పరుగుకే రెండు వికెట్లు కోల్పోయింది. కాగా, ఈ సిరీస్‌లో మంచి ఫామ్‌లో ఉన్న కెప్టెన్ జోరూట్ మరోమారు క్రీజులో పాతుకుపోయినట్టు కనిపిస్తున్నాడు. ప్రస్తుతం 16 ఓవర్లు ముగిశాయి. ఇంగ్లండ్ మూడు వికెట్ల నష్టానికి 48 పరుగులు చేసింది. రూట్ (21), బెయిర్‌స్టో క్రీజులో ఉన్నారు. కాగా, టీమిండియా విజయానికి ఏడు వికెట్లు అవసరం కాగా, ఇంగ్లండ్ విజయం సాధించాలంటే 224 పరుగులు అవసరం.