శ్రీనగర్: జమ్మూకశ్మీరులోని కుప్వారా జిల్లాలో సెంట్రల్ రిజర్వు పోలీసు ఫోర్సుపై సోమవారం రాత్రి మిలిటెంట్ల గ్రెనెడ్ దాడి చేశారు. కుప్వారా జిల్లాలోని మిడిల్ స్కూలు వద్ద సీఆర్ పీఎఫ్ బృందం గాలింపు జరుపుతుండగా, మిలిటెంట్లు గ్రెనెడ్లతో దాడి చేశారు. ఈ గ్రెనెడ్ దాడిలో ఓ సీఆర్ పీఎఫ్ జవాను గాయపడ్డారు. గాయపడిన జవాన్ ను ఆసుపత్రికి తరలించి చికిత్స అందిస్తున్నారు. మరో ఘటనలో బారాముల్లా పట్టణంలోని ఆజాద్ గంజ్ సమీపంలోని బస్టాప్ వద్ద పోలీసు పార్టీపై మిలిటెంట్లు గ్రెనెడ్లు విసిరారు. ఈ గ్రెనెడ్ రోడ్డు పక్కన పడింది.ఈ గ్రెనెడ్ దాడిలో ఎవరూ గాయపడలేదని జమ్మూకశ్మీర్ పోలీసులు చెప్పారు.
మీ స్నేహితులకు రికమెండ్ చెయ్యండి
