హైదరాబాద్‌: కాచిగూడ-కరీంనగర్‌, కరీంనగర్‌-కాచిగూడ (నం.07793/07794) మధ్య నడుస్తున్న డెము రైళ్లను పెద్దపల్లి వరకు పొడిగిస్తున్నట్లు దక్షిణ మధ్య రైల్వే సోమవారం ప్రకటించింది. 20వ తేదీన ఈ నిర్ణయం తాత్కాలిక ప్రాతిపదికన అమలులోకి రానుందని తెలిపింది. అదే సమయంలో కరీంనగర్‌-పెద్దపల్లి, పెద్దపల్లి-కరీంనగర్‌ (నం.07765/07766) రైళ్లను రద్దు చేసింది. కాచిగూడ నుంచి ఉదయం 6 గంటలకు బయలుదేరే రైలు 10.10కి నిజామాబాద్‌కు చేరుకుంటుంది. కరీంనగర్‌కు మధ్యాహ్నం 1.15 గంటలకు, పెద్దపల్లికి 2.20కి చేరుతుంది. తిరిగి పెద్దపల్లి నుంచి మధ్యాహ్నం 2.40 గంటలకు బయలుదేరి కరీంనగర్‌కు 3.17కు, నిజామాబాద్‌కు 6.15కు, కాచిగూడకు రాత్రి 11 గంటలకు చేరుకుంటుంది.