హైదరాబాద్: అఫ్ఘనిస్థాన్ లో ప్రభుత్వ ఏర్పాటు దిశగా తాలిబన్లు వడివడిగా ఏర్పాట్లు చేసుకుంటున్నారు. ఈ క్రమంలో ప్రభుత్వ అధికారులందరికీ క్షమాభిక్షను కల్పిస్తున్నట్టు తాలిబన్లు ప్రకటించారు. దేశాన్ని చేజిక్కించుకున్న రెండు రోజుల తర్వాత తాలిబన్ల నుంచి ఈ ప్రకటన వెలువడింది. ప్రతి ప్రభుత్వ అధికారికి క్షమాభిక్ష వర్తిస్తుందని ప్రకటలో తెలిపారు. ఈ నేపథ్యంలో అధికారులందరూ పూర్తి విశ్వాసంతో విధుల్లోకి చేరాలని సూచించారు. రోజువారీ కార్యకలాపాల్లో యథావిధిగా పాల్గొనాలని చెప్పారు. ఎవరూ ఆందోళన చెందాల్సిన అవసరం లేదని భరోసా ఇచ్చారు. తాలిబన్ల ప్రకటన నేపత్యంలో అక్కడి అధికారులు ఎలా స్పందిస్తారో వేచి చూడాలి.
మీ స్నేహితులకు రికమెండ్ చెయ్యండి
