హైదరాబాద్ : ఓ 60 ఏండ్ల వృద్ధురాలిపై సామూహిక లైంగికదాడి జరిగింది. దాంతో నిందితులను పోలీసులు అరెస్టు చేశారు. ఈ ఘటన మ‌ధ్య‌ప్ర‌దేశ్ లోని సింగ్రౌలి జిల్లాలో చోటుచేసుకుంది.. స్థానికులు తెలిపిన వివరాల ప్రకారం ఓ వృద్ధురాలు త‌న సోద‌రితో క‌లిసి ఇంటికి వెళ్తుండ‌గా.. విద్యాన‌గ‌ర్ పోలీస్‌స్టేష‌న్ ప‌రిధిలోని జ‌యంత్ చౌక్ రైల్వే ట్రాక్ ద‌గ్గ‌ర మద్యం తాగి ఉన్న ఐదుగురు వ్య‌క్తులు అడ్డ‌గించారు.న్న అందులో ఇద్దరు మైనర్లు కూడా ఉన్నారు. వృద్ధురాలిపై వారు లైంగికదాడికి పాల్పడ్డారు.  అనంత‌రం విష‌యం ఎవ‌రికైనా చెబితే చంపేస్తామ‌ని బెదిరించి అక్క‌డి నుంచి పారిపోయారు.  అయితే బాధితురాలు పోలీస్‌స్టేష‌న్‌కు వెళ్లి ఫిర్యాదు చేసింది. కేసు న‌మోదుచేసుకున్న పోలీసులు.. నిందితులను గాలించి పట్టుకున్నారు. కేసు దర్యాప్తు చేస్తున్నామని పోలీసులు తెలిపారు.