హైదరాబాద్ : భారత జట్టు మాజీ కెప్టెన్‌, చెన్నై సూపర్‌ కింగ్స్ కెప్టెన్‌ ఎం.ఎస్‌.ధోనీతో న్యూబర్గ్ డయాగ్నాస్టిక్స్ సంస్థ బాగస్వామ్యం కుదుర్చుకుంది. భారతదేశపు నాలుగో అతి పెద్ద రోగనిర్థారరణ సేవల సంస్థ న్యూబర్గ్ డయాగ్నాస్టిక్స్, తన న్యూబర్గ్ ఆరోగ్యం, బాగోగుల ప్రచారం, ప్రతీ పౌరుడికి మెరుగైన, అందుబాటు ఆరోగ్య సంరక్షణ అందించేందుకు చేస్తున్న కృషిపై అవగాహన కల్పించేందుకు ప్రముఖ క్రికెటర్‌ ఎం.ఎస్‌.ధోనితో భాగస్వామ్యం కుదుర్చుకున్నట్టు సంస్థ ప్రకటించింది. న్యూబర్గ్ డయాగ్నాస్టిక్స్ ఛైర్మన్‌ అండ్ మేనేజింగ్‌ డైరెక్టర్‌ డాక్టర్‌ జిఎస్‌కె వేలు మాట్లాడుతూ తమ ఎదుగుదల ఆలోచనకు ఎం.ఎస్‌.ధోని అండ ఉంటారు, తమ అభివృద్ధి ప్రణాళికలకు ఇది వ్యూహాత్మకంగా సరిపోతుందన్నారు. ఈ అనుబంధం తమలో ఉత్సాహం నింపుతోందని, ఆయన తమ చెంత ఉండటం, మా ప్రచారకర్తగా, అంతర్జాతీయ బ్రాండ్‌ అంబాసిడర్‌గా ఉండటం మేం గౌరవంగా భావిస్తామని చెప్పారు.
