హైదరాబాద్ : అఫ్గానిస్థాన్ను తాలిబన్లు ఆక్రమించడంతో ప్రజలు భయాందోళన చెందుతున్న సంగతి తెలిసిందే. అయితే అక్కడ తాలిబన్ల రాజ్యం మొదలైతే మహిళల పరిస్థితి ఏంటనే, వారికి మహళలంటే ఎంత చులకనో ఈ వీడియో నిదర్శనం.
        తాలిబన్లతో ఇంటర్వ్యూ  ఓ మహిళ జర్నలిస్టు.. వారి పాలనలో ఆడవాళ్లకు ప్రజాస్వామ్య హక్కులు ఉంటాయా? అని ప్రశ్నించింది. అందుకు తాలిబన్లు అవునని ఉంటాయని సమాధానం ఇచ్చారు. ఇది బాగానే ఉంది. అయితే రాజకీయాల్లో మహిళా నేతలకు ఓటు వేసి ఎన్నుకునే అవకాశం ప్రజలకు ఉంటుందా? అని జర్నలిస్టు అడిగగా అందుకు వారు వారు పగలబడి నవ్వారు. కెమెరా ఆఫ్ చేయమని చెప్పి ఇంకా నవ్వారు. ఈ వీడియో సామాజిక మాధ్యమాల్లో వైరల్ అవుతోంది. అయితే ఈ వీడియో ఇప్పటిది కాదు. ఈ ఏడాది మొదట్లో ఓ డాక్యుమెంటరీలో భాగంగా ఈ ఇంటర్యూ జరిగినట్టు సమాచారం.