హైదరాబాద్ : ఎక్కడైనా టిష్యూ పేపర్ కు రూ. 7.4 కోట్ల విలువ ఉండడం చూశామా.. లేదు కదా. కానీ దిగ్గజ ఫుట్బాల్ ప్లేయర్ లియోనల్ మెస్సీ కన్నీరు పెట్టిన సమయంలో ఉపయోగించిన టిష్యూ పేపర్ను ఓ వ్యక్తి వేలానికి పెట్టాడు. ఈ వేలంలో ఆ టిష్యూకు ఏకంగా రూ.7.4 కోట్ల రూపాయల ధర పలికింది.            బార్సిలోనా ఫుట్బాల్ క్లబ్కు ప్రాతినిధ్యం వహించిన మెస్సీ ఆ క్లబ్కు వీడ్కోలు పలికే సందర్భంగా భావోద్వేగానికి గురై మెస్సీ ఏడ్చేశాడు. ఆ సమయంలో అతని భార్య అతనికి ఒక టిష్యూనిచ్చింది. దాంతో మెస్సీ తన కన్నీళ్లను, ముక్కును తుడుచుకున్నాడు.  అనంతరం పారేసిన ఆ టిష్యూ పేపర్ను సేకరించిన ఓ వ్యక్తి ఎమ్‌ఈకెడో అనే వెబ్సైట్లో దాన్ని వేలానికి పెట్టాడు. దాని ప్రారంభ ధరను ఏకంగా రూ.7.4కోట్లుగా నిర్ణయించడంతో అందరూ షాక్ అవుతున్నారు.