హైదరాబాద్  హైదరాబాద్ లో మరో దారుణం చోటుచేసుకుంది. గాంధీ ఆస్పత్రిలో అక్కచెల్లెళ్ల పై లైంగికదాడి జరిగిన ఘటన మరవకముందే నగరంలో మరో యువతిని కొందరు ఆటో డ్రైవర్లు కిడ్నాప్‌ చేసి లైంగికదాడికి పాల్పడ్డారు. స్థానికులు తెలిపిన వివరాల ప్రకారం.. 20 ఏండ్ల యువతిని  సైదాబాద్‌లోని సంతోష్‌నగర్‌లో కొందరు ఆటో డ్రైవర్లు కిడ్నాప్‌ చేశారు. వారు ఆ యువతిని పహాడీషరీఫ్‌కు తీసుకెళ్లి ఆమెపై లైంగిక దాడికి పాల్పడ్డారు.  అక్కడి నుంచి తప్పించుకున్న బాధిత యువతి.. సంతోష్ నగర్ పోలీసులను ఆశ్రయించింది. దాంతో పోలీసులు కేసు నమోదు చేసుకుని సీసీటీవీ ఫుటేజ్‌ల ఆధారంగా దర్యాప్తు ప్రారంభించారు. స్పెషల్‌ టీమ్స్‌ ఏర్పాటు చేసి నిందితుల కోసం గాలింపు చర్యలు కూడా చేపట్టినట్టు తెలుస్తోంది.