హైదరాబాద్: గచ్చిబౌలిలోని మౌలానా ఆజాద్‌ నేషనల్‌ ఉర్దూ యూనివర్సిటీ (మనూ) ఈనెల 23, 24, 25న పలు రెగ్యులర్‌ కోర్సులకు ప్రవేశపరీక్ష నిర్వహిస్తున్నట్లు డైరెక్టరేట్‌ అడ్మినిస్ర్టేషన్స్‌ డైరెక్టర్‌ ప్రొఫెసర్‌ ఎం.వనజ తెలిపారు. దేశ వ్యాప్తంగా 19 పరీక్ష కేంద్రాల్లో ఈ ప్రవేశ పరీక్ష నిర్వహించనున్నట్లు పేర్కొన్నారు. ఇతర వివరాలు మనూ వెబ్‌సైట్‌ ద్వారా తెలుసుకోవచ్చన్నారు. కాగా, మనూ విద్యార్థుల కోసం 23న ఆన్‌లైన్‌ ప్లేస్‌మెంట్‌ డ్రైవ్‌ నిర్వహిస్తున్నట్లు ట్రైనింగ్‌, ప్లేస్‌మెంట్‌ ఇన్‌చార్జి డాక్టర్‌ మహ్మద్‌ యూసఫ్‌ ఖాన్‌ తెలిపారు. 2020-21లో ఉత్తీర్ణులైన బీటెక్‌, ఎంసీఏ, ఎంబీఏ, డిప్లొమా విద్యార్థుల కోసం ఈ ప్లేస్‌మెట్‌ డ్రైవ్‌ నిర్వహిస్తున్నట్లు తెలిపారు.