హైదరాబాద్ : సుధీర్ బాబు న‌టిస్తున్న తాజా చిత్రం 'శ్రీదేవి సోడా సెంటర్‌' పలాస 1978 ఫేమ్ కరుణ కుమార్ దర్శకత్వంలో 70ఎఎ ఎంటర్టైన్మెంట్ పతాకంపై విజయ్ చిల్లా, శశి దేవిరెడ్డి ఈ సినిమాను నిర్మిస్తున్నారు. ఈ చిత్రంలో ఆనంది హీరోయిన్‌గా నటించింది. ఆగ‌స్ట్ 27న చిత్రాన్ని రిలీజ్ చేయ‌నున్న‌ట్టు కొద్ది రోజుల క్రితం ప్ర‌క‌టించారు మేక‌ర్స్ . ఇందులో భాగంగా ప్ర‌మోష‌న్ కార్య‌క్ర‌మాల‌ని వేగ‌వంతం చేశారు.
ఇటీవ‌ల ప్ర‌భాస్‌తో చిత్ర యూనిట్‌కి బెస్ట్ విషెస్ చెప్పించి అంద‌రి దృష్టి ప‌డేలా చేసిన మేక‌ర్స్ కొద్ది సేప‌టి క్రితం మ‌హేష్ చేతుల మీదుగా ట్రైల‌ర్ విడుద‌ల చేయించారు.ఈ ట్రైల‌ర్ చాలా ఆక‌ట్టుకుంటుంది. ముఖ్యంగా సుధీర్ బాబు త‌న పాత్ర‌కు వంద శాతం న్యాయం చేసిన‌ట్టు క‌నిపిస్తుంది. ఈ సినిమాతో ప‌క్కా హిట్ కొట్టడం గ్యారెంటీ అనిపిస్తుంది.