శ్రీనంగర్‌: జమ్ముకశ్మీర్‌లో భద్రతా బలగాలు ఉగ్రవాదుల ఆటకట్టిస్తున్నాయి. అవంతిపొరాలోని పాంపోరా ప్రాంతంలో జరిగిన ఎదురుకాల్పుల్లో ఓ ముష్కరుడిని మట్టుబెట్టాయి. పాంపోరాలోని ఖ్రెవ్‌ ప్రాంతంలో ఉగ్రవాదులు ఉన్నారనే సమాచారంతో స్థానిక పోలీసులు, భద్రతా బలగాలు ఉమ్మడిగా గాలింపు చేపట్టాయి. ఈ క్రమంగా గాలింపు బృందాలపై టెర్రరిస్టులు కాల్పులు జరిపారు. దీంతో భద్రతా దళాల ఎదురు కాల్పుల్లో ఓ టెర్రరిస్టు హతమయ్యాడని కశ్మీర్‌ జోన్‌ పోలీసులు ప్రకటించారు. చనిపోయిన ఉగ్రవాది ఏ సంస్థకు చెందినవాడనే విషయం ఇంకా తెలియరాలేదని వెల్లడించారు. ఆప్రాంతంలో ఆపరేషన్‌ ఇంకా కొనసాగుతున్నదని తెలిపారు.
మీ స్నేహితులకు రికమెండ్ చెయ్యండి
