హైదరాబాద్ : నాని నటించిన టక్‌ జగదీష్‌  సినిమా ఓటీటీల్లో విడుదల చేయడంపై థియేటర్ల యజమానులు ఆగ్రహం వ్యక్తం చేస్తున్నారు. హీరో నాని సినిమాల్లోనే హీరో.. నిజ జీవితం లో పిరికివాడు అని వారు సంచలన కామెంట్స్ చేశారు. శుక్రవారం థియేటర్ల యజమానులు భేటీ అయ్యారు. ఈ సందర్భంగా వారు మాట్లాడుతూ.శేఖర్‌ కమ్ముల లవ్‌స్టోరీ సినిమా థియేటర్ లో విడుదలవుతున్న రోజే నాని 'టక్ జగదీష్` ఓటీటీలో రావడం వల్ల అందరం నష్టపోతామన్నారు. రేపు కూడా ఇలానే చేస్తే భవిషత్తులో నిర్మాతలకు తాము డబ్బులు కట్టబోమన్నారు. పండుగల సమయంలో కొత్త సినిమాలను ఓటీటీలో విడుదల చేయొద్దని కోరారు. టక్‌ జగదీశ్‌ నిర్మాతలు తమ నిర్ణయాన్ని మార్చుకోవాలన్నారు. హీరో నానికి భవిషత్తులో తాము ఏంటో చూపిస్తామన్నారు.