హైదరాబాద్ : లార్డ్స్ లో ఇంగ్లాండ్తో జరిగిన టెస్టులో 8 వికెట్లు తీసి భారత్ కు విజయాన్ని అందించిన మహ్మద్ సిరాజ్ కు ఇప్పుడు అభిమానులు కటౌట్ కట్టారు. అదెక్కడో కాదు. అతని సొంత నగరమైన హైదరాబాద్ లోనే.
           మహ్మద్ సిరాజ్.. వికెట్ తీసిన ప్రతీ సారి  మూతిపై వేలు చూపిస్తుంటాడు.  తనను తక్కువ చేసి మాట్లాడే వారికి సమాధానంగానే ఈ విధంగా సంజ్ఞలు చేస్తానని సిరాజ్ దీనిపై ఇదివరకే వివరణ ఇచ్చాడు. ఇప్పుడు అదే స్టైల్లో అతనికి భారీ కటౌట్ను  హైదరాబాద్ లో అభిమానులు ఏర్పాటు చేశారు. కటౌట్ ను మూడు అంతస్తుల ఎత్తులో రోడ్డు మధ్యలో అమర్చగా అది చూపరులను ఆకట్టుకుంటోంది.  సోషల్ మీడియాలోనూ ఇది షేర్ చేసి సిరాజ్ ఒక సూపర్ స్టార్ అనిచేసి అభిమానులు కామెంట్స్ చేస్తున్నారు.