హైదరాబాద్ : సీడ్‌బాల్స్‌తో అత్యంత పొడవైన వాక్యాన్ని నిర్మించడం ద్వారా సాధించిన గిన్నీస్‌ బుక్‌ వరల్డ్‌ రికార్డు జ్ఞాపికను ఎంపి జోగినపల్లిసంతోష్‌కుమార్‌, మంత్రి శ్రీనివాస్‌గౌడ్‌లకు శుక్రవారం ప్రగతి భవన్‌లో సీఎం కేసీఆర్‌ అందజేశారు.  గ్రీన్‌ ఇండియా ఛాలెంజ్‌లో భాగంగా సీడ్‌ బాల్స్‌ను రికార్డుస్థాయిలో తయారుచేసి మహబూబ్‌నగర్‌ జిల్లా వ్యాప్తంగా వెదజల్లారు. దాంతో అది గిన్నీస్ బుక్ లో చోటు దక్కించుకుంది. ఈ సందర్భంగా వారి కృషిని సీఎం అభినందించారు. రికార్డుస్థాయిలో 10 రోజుల్లో 2కోట్ల పది లక్షల సీడ్‌ బాల్స్‌ను ఒక నెల కాలంలో తయారు చేసి కొండలు, గుట్టల ప్రాంతాల్లో వెదజల్లడం ద్వారా పచ్చదనం అభివృద్ధికి పాటుపడుతున్న పాలమూరు జిల్లా మహిళా స్వయం సహాయక సంఘాల కృషిని కూడా సీఎం ఈ సందర్భంగా అభినందించారు.