హైదరాబాద్: దొంగతనం చేసేందుకు ఓ యువకుడు విఫలయత్నం చేశాడు. దోమలగూడలో ఒక ఫ్లాట్‌లో అగంతకుడు చొరబడిన బీభత్సం సృష్టించాడు. డబ్బుల కోసం ఇద్దరు మహిళలపై కత్తులతో దాడి చేశాడు. ఇద్దరు మహిళలకు గాయాలు అవడంతో ఆస్పత్రికి తరలించారు. మహిళలపై దాడిచేసి పారిపోతున్న ఆగంతుకుడిని స్థానికులు పట్టుకున్నారు. చేసేందుకు పనిలేక, తినడానికి డబ్బుల్లేక, స్నేహితుల వద్ద అప్పులు చేయడంతో అప్పు తీర్చమని స్నేహితులు ఒత్తిడిచేశారని నిందితుడు తెలిపాడు. దోమలగూడ సౌభాగ్య అపార్ట్‌మెంట్‌లోకి వెళ్లి ఇంట్లో ఉన్న మహిళ గొంతుపై కత్తిపెట్టి నిందితుడు డబ్బులు డిమాండ్ చేశాడు. మహిళ అరుపులు విని ఇంట్లోనే ఉన్న ఆమె అక్క బయటికి రావడంతో ఆమెను కూడా కత్తితో బెదిరించాడు. భయంతో ఇద్దరు వృద్ధ మహిళలను నిందితుడు తీవ్రంగా గాయపరిచినట్లు స్థానికులు చెబుతున్నారు.