హైదరాబాద్ : చిరంజీవి కథానాయకుడిగా 'లూసిఫర్' రీమేక్ రూపొందనుంది. ప్రస్తుతం అందుకు సంబంధించిన సన్నాహాలు జరుగుతున్నాయి. కెరియర్ పరంగా చిరంజీవికి ఇది 153వ సినిమా. తమిళ దర్శకుడు మోహన్ రాజా ఈ సినిమాకి దర్శకత్వం వహిస్తున్నాడు. ఆర్ బీ చౌదరి - ఎన్వీ ప్రసాద్ ఈ సినిమాను నిర్మిస్తుండగా, చరణ్ కూడా ఒక భాగస్వామిగా ఉన్నాడు. ఈ సినిమాకి 'గాడ్ ఫాదర్' అనే టైటిల్ ను పరిశీలిస్తున్నట్టుగా వార్తలు వస్తున్నాయి. అయితే ఈ 22వ తేదీన చిరంజీవి పుట్టినరోజు కావడంతో, ఆ రోజున ఈ సినిమాకి సంబంధించిన అప్ డేట్ రావొచ్చని అనుకున్నారు. అభిమానుల అంచనాలకు తగినట్టుగానే, ఈ సినిమా టైటిల్ ను రివీల్ చేయనున్నారు. అందుకు సంబంధించిన ప్రకటన ఇచ్చేశారు. రేపు సాయంత్రం 5:04 నిమిషాలకు ఈ సినిమా టైటిల్ పోస్టర్ ను రిలీజ్ చేయనున్నారు. ఫస్టులుక్ తో కూడిన టైటిల్ పోస్టర్ ను రిలీజ్ చేసే అవకాశం కూడా ఉంది. తమన్ ఈ సినిమాకి సంగీతాన్ని అందిస్తున్నాడు.