హైదరాబాద్: వేములవాడ శ్రీరాజరాజేశ్వర క్షేత్రంలో శ్రావణ సందడి కొనసాగుతోంది. శ్రావణమాసం రెండో శుక్రవారం వివిధ ప్రాంతాల నుంచి తరలివచ్చిన భక్తులు తమ ఇష్టదైవమైన రాజరాజేశ్వరస్వామివారిని, రాజరాజేశ్వరీదేవి అమ్మవారిని దర్శించుకుని మొక్కులు తీర్చుకున్నారు. ఈ సందర్భంగా ఆలయ క్యూలైన్లు భక్తులతో నిండిపోయాయి. పెద్ద సంఖ్యలో భక్తులు స్వామివారికి ప్రీతిపాత్రమైన కోడెమొక్కులు చెల్లించుకున్నారు. బాలాత్రిపురాసుందరీదేవి ఆలయంలో భక్తులు కుంకుమపూజలలో పాల్గొన్నారు. కొవిడ్‌ కారణంగా లఘుదర్శనం అమలు చేస్తుండడంతో పాటు ఏడాదిన్నర కాలంగా గర్భాలయంలోకి భక్తులను అనుమతించడం లేదు.
మీ స్నేహితులకు రికమెండ్ చెయ్యండి
