హైదరాబాద్ : ఓ గడ్డివాము తగలబడగా ఒకే కుటుంబానికి చెందిన నలుగురు మృతి చెందారు.
మృతులు మురుగేశ‌న్, అత‌ని భార్య, ఇద్ద‌రు పిల్ల‌లుగా గుర్తించారు. ఈ ఘటన త‌మిళ‌నాడు రాష్ట్రం దిండిగ‌ల్ జిల్లాలో శ‌నివారం తెల్ల‌వారుజామున చోటుచేసుకుంది.
స్తానికులు తెలిపిన వివరాల ప్రకారం.. జిల్లాలోని వ‌ట్ట‌కొండ‌న్‌వ‌ల‌సు గ్రామంలో గడ్డివాము త‌గుల‌బ‌డిపోతుండ‌టం చూసి స్థానికులు అగ్నిమాప‌క సిబ్బందికి స‌మాచారం ఇచ్చారు. వెంట‌నే వారు వచ్చి మంట‌ల‌ను ఆర్పివేశారు. మంట‌లు చ‌ల్లారిన త‌ర్వాత ఆ బూడిద‌లో ఒకే కుటుంబానికి చెందిన న‌లుగురి మృత‌దేహాలు ప‌డి ఉన్నాయి. అయితే ఇది ఆత్మహత్యా.. హత్యా.. ప్రమాదవశాత్తా అనేది తెలియాల్సి ఉంది.
అనుమానాస్పద మ‌ర‌ణాలుగా పోలీసులు కేసు నమోదు చేసుకుని దర్యాప్తు చేస్తున్నారు.
మీ స్నేహితులకు రికమెండ్ చెయ్యండి
