హైదరాబాద్ : మెగాస్టార్ చిరంజీవి.. మెహ‌ర్ ర‌మేష్ ద‌ర్శ‌క‌త్వంలో వేదాళం రీమేక్ చేయ‌నున్న విష‌యం తెలిసిందే. చిరంజీవి పుట్టినరోజు సందర్భంగా ఆ సినిమాకి భోళా శంక‌ర్ అనే టైటిల్ ఫిక్స్ చేసి కొద్ది సేప‌టి క్రితమే సూపర్ స్టార్ మహేశ్ బాబు విడుద‌ల చేశారు. అయితే ఈ రోజు రాఖీ పండుగ కూడా కావడంతో ఈ మూవీ మేకర్స్ మరో క్రేజీ అప్ డేట్ ను వదిలింది.
           భోళా శంక‌ర్ చిత్రంలో చిరంజీవీ చెల్లెలిగా కీర్తి సురేష్ న‌టించ‌నుంద‌ని కొద్ది రోజులుగా వార్త‌లు వ‌స్తున్నాయి. ఆ వార్తలను ఇప్పుడు నిజం చేశారు.  చిరంజీవికి కీర్తి సురేష్ రాఖీ కడుతున్న వీడియోను మేకర్స్ విడుద‌ల చేశారు. చెల్లెలంద‌రి ర‌క్షా బంధం, అభిమానులంద‌రి ఆత్మ బంధం, మ‌నంద‌రి అన్న‌య్య జ‌న్మ‌దినం అంటూ కొటేష‌న్ తో వీడియో అందరినీ ఆకట్టుకుంటోంది.