హైదరాబాద్ : తన మోహంపై హీరో బాలయ్య ఓ సారి ఉమ్మేసాడు అని సీనియర్ నటుడు కోట శ్రీనివాసరావు సంచలన వ్యాఖ్యలు చేశారు. ఎన్నో హిట్ సినిమాల్లో నటించిన కోట శ్రీనివాసరావు క్యారెక్టర్ ఆర్టిస్ట్ గా, విలన్ గా మంచి పేరు తెచుకున్నారు. ఇటీవల ఓ ఇంటర్యూలో ఆయన ఈ వ్యాఖ్యలు చేయడం వైరల్ గా మారాయి. 
         కోట ఏమన్నారంటే.. 'అప్పట్లో  నేను మండలాదీశుడు అనే సినిమాలో ఎన్టీఆర్ పాత్ర చేశాను. అది వివాదాస్పదమైంది. ఆ సినిమా విడుదలైన తర్వాత  నన్ను ఎక్కడ బయట కనిపించినా కూడా ఎన్టీఆర్ అభిమానులు టార్గెట్ చేశారు. కొట్టిన సందర్భాలు కూడా  ఉన్నాయి. అయితే ఓ సారి రాజమండ్రిలో బాలకృష్ణ ఓ సినిమా షూటింగ్ కోసం  వచ్చాడు.. అలాగే జంధ్యాల షూటింగ్ కోసం కోట వచ్చాడు.
నేను జంధ్యాల గారి సినిమా కోసం వెళ్లాను. పొద్దున్నే కిందకొచ్చి లిఫ్ట్ కోసం ఎదురుచూస్తున్నాను. పరుచూరి బ్రదర్స్ నన్ను చూసి పక్కకు తప్పుకోవాలని సైగలు చేస్తున్నారు. నాకు అర్థం కాలేదు. ఇటు చూస్తే బాలకృష్ణ వస్తున్నాడు. నేను గౌరవంగా నమస్కారం బాబు అన్నాను. దాంతో ఆయన కాండ్రించి నా మొహం మీద ఉమ్మేశాడు.` అంటూ అవమానాన్ని  ఆయన బయట పెట్టారు. జీవితంలో అలాంటి చేదు జ్ఞాపకాలు తనకు చాలానే ఉన్నాయని కోట చెప్పారు.  అయితే ఎన్టీఆర్ మాత్రం తనను భుజం తట్టి మెచ్చుకున్నారని కోట తెలిపారు.