హైదరాబాద్ : కన్నడ పరిశ్రమ నుంచి య‌శ్‌- ప్ర‌శాంత్ కాంబినేష‌న్‌లో వచ్చిన కేజీఎఫ్ చిత్రం ఎంత పెద్ద హిట్ అయిందో అందరికీ తెలుసు. ప్రస్తుతం దానికి కొనసాగింపుగా కేజీఎఫ్‌ 2 రూపొందుతున్న సంగతి తెలిసిందే. అయితే కరోనా వల్ల ఈ సినిమా వాయిదా పడుతూ వచ్చింది. తాజాగా ఈ చిత్ర కొత్త విడుదల తేదీని చిత్రబృందం ప్రకటించింది. 2022లో ఏప్రిల్ 14న ప్రపంచవ్యాప్తంగా ఈ సినిమాను థియేటర్లలో రిలీజ్ చేయనున్నట్టు తెలిపారు. ఈ చిత్రంలో హీరోయిన్ గా శ్రీనిధి శెట్టి న‌టిస్తోంది.
          ఇదిలా ఉండగా రెబల్ స్టార్ ప్రభాస్, యశ్ ల కాంబినేషన్ లో వస్తున్న చిత్రం 'సలార్` కూడా ఎప్రిల్ 14నే విడుదలవుతుందని మేకర్స్ ఇదివరకే ప్రకటించారు. అయితే ఒక దర్శకుడి రెండు సినిమాలు ఒకేరోజు విడుదలయ్యే అవకాశం చాలా తక్కువ దాంతో 'సలార్` చిత్రం వాయిదా పడే అవకాశం ఉంది.