హైదరాబాద్ : మెగాస్టార్ చిరంజీవి పుట్టినరోజు సందర్భంగా వరుసగా ఆయన సినిమాలకు సంబంధించిన అప్ డేట్ లు వస్తున్నాయి. ఇప్పటికే కొరటాల శివ దర్శకత్వంలో చిరు నటిస్తున్న చిత్రం ఆచార్యకు సంబంధించిన ఓ వీడియోను ఈరోజు ఉదయమే రామ్ చరణ్ విడుదల చేశారు. అలాగే మోహన్‌ రాజా దర్శకత్వంలో చిరు చేయబోతున్న లూసి ఫైర్ రిమేక్ కు సంబంధించి సినిమా పేరును గాడ్‌ ఫాదర్‌ గా ప్రకటించారు. అలాగే మెహర్ రమేశ్ దర్శకత్వంలో చిరంజీవి వేదాళమ్ ను రిమేక్ చేస్తున్నారు. ఆ సినిమా పేరును భోళా శంకర్‌ అని ఖరారు చేస్తూ మహేశ్ బాబు ఈ ఉదయమే ట్విట్ చేశారు.
అయితే ఇప్పుడు తాజాగా చిరంజీవి నటించనున్న మరో సినిమా అప్డేట్ వచ్చేసింది. బాబీ దర్శకత్వంలో తెరకెక్కబోయే చిరు 154వ చిత్రానికి సంబంధించిన పోస్టర్ ను చిత్ర బృందం విడుదల చేసింది. 'పూనకాలు లోడింగ్.. త్వరలోనే షూటింగ్ ప్రారంభం` అని కామెంట్ చేసింది. ఈ చిత్రానికి వాల్తేర్ వీరయ్య అనే టైటిల్ను పరిశీలిస్తున్నట్లు సమాచారం. ఈ మూవీ మైత్రీ మూవీ మేకర్స్ నిర్మించనుండగా దేవీ శ్రీ ప్రసాద్ సంగీతం అందించనున్నారు.
