హైదరాబాద్ : మీరు పానీపూరి లవర్ ఆ.. రోజూ పానీపూరి తింటారా... అయితే ఈ వీడియో చూస్తే మీరు పానీపూరి మరోసారి తింటారో లేదో... అసలు విషయానికొస్తే అస్సాం రాజధాని గువాహతిలోని అత్గావ్ ప్రాంతంలో పానీపూరి అమ్మే వ్యక్తి ఓ మగ్‌లో మూత్రం పోసి దానిని పానీపూరి రసంలో కలిపాడు. షాక్ అయ్యారా..? అవును ఇది నిజం. ఒక వ్యక్తి అందుకు సంబంధించిన వీడియో తీయగా అదిప్పుడు సామాజిక మాధ్యమాల్లో వైరల్ గా మారింది. పోలీసులు కూడా వెంటనే దీనిపై స్పందించారు. ఆ పానీపూరి అమ్మే వ్యక్తిని అరెస్ట్ చేశారు. అయితే అతడి వివరాలు మాత్రం పోలీసులు బయటపెట్టలేదు.
మరోవైపు సామాజిక మాధ్యమాల్లో దీనిపై నెటిజన్లు ఆగ్రహం వ్యక్తం చేస్తున్నారు. ఆ వ్యక్తిని కఠినంగా శిక్షించాలని డిమాండ్‌ చేస్తున్నారు. ఇంకో సారి పానీ పూరి జోలికెళ్లం బాబు అంటూ కొందరు కామెంట్స్ చేస్తుండగా... అందరూ అలా ఉండరులే అని కొందరు పానీ పూరి లవర్స్ అంటున్నారు.
