మహబూబాబాబాద్: జిల్లాలోని బయ్యారం మండలంలో దారుణం జరిగింది. మండలంలోని కొత్తపేటలో ఉన్న ఇటుక బట్టీ వద్ద తోటి కూలీ చేతిలో ఓ కూలీ హత్యకు గురయ్యాడు. ఒడిశాకు చెందిన డమ్రూ మాజి (45) కొత్తపేటలోని ఇటుక బట్టీలో కూలీగా పనిచేస్తున్నాడు. ఈ క్రమంలో మరో కూలీ లాంగ్వా భార్యతో అతడు అక్రమ సంబంధం పెట్టుకున్నాడు. లాంగ్వా వారిద్దరిని రెడ్‌ హ్యాండెడ్‌గా పట్టుకున్నాడు. ఈ క్రమంలో డమ్రూను కాళ్లు, చేతులు కట్టేసి కర్రతో కొట్టి చంపాడు. విషయం తెలుకున్న పోలీసులు ఘటనా స్థలానికి చేరుకున్నారు. నిందితుడిని అదుపులోకి తీసుకున్నారు. ఈ ఘటనపై కేసు నమోదుచేసి దర్యాప్తు చేస్తున్నారు.
మీ స్నేహితులకు రికమెండ్ చెయ్యండి
