హైదరాబాద్ : ఏపీలోని శ్రీకాకుళం జిల్లాలో సోమవారం ఘోర రోడ్డు ప్రమాదం చోటు చేసుకుంది. స్థానికులు తెలిపిన వివరాల ప్రకారం.. పలాస మండలం సుమ్మాదేవి జాతీయ రహదారి పై ఏఆర్‌ కానిస్టేబుళ్లు ప్రయాణిస్తున్న ఓ పోలీసు వాహనం రోడ్డు క్రాస్‌ చేస్తుండగా లారీ ఢీకొట్టింది. దాంతో వాహనంలోని నలుగురు పోలీసులు అక్కడికక్కడే మృతి చెందారు. జీపు ముందు భాగం నుజ్జునుజ్జు అయింది. సమాచారం అందుకున్ పోలీసులు ఘటనా స్థలానికి చేరుకుని పరిశీలించారు. ఆర్మీ జవాన్‌ అంత్యక్రియలకు ఎస్కార్ట్‌గా వెళ్లి వస్తుండగా ఈ ప్రమాదం జరిగినట్టు తెలిసింది. పూర్తి వివరాలు తెలియాల్సి ఉంది.
మీ స్నేహితులకు రికమెండ్ చెయ్యండి
